TOP STORIES TODAY
Oct 21, 2013
പട്ന: ബി.ജെ.പി.യുടെ പ്രധാനമന്ത്രി സ്ഥാനാര്ഥി നരേന്ദ്രമോദിയുടെ ബിഹാര്റാലിക്ക് വന് ഒരുക്കങ്ങള്. 'ഹുങ്കാര്റാലി' എന്ന് പേരിട്ടിരിക്കുന്ന റാലിക്ക് ജനങ്ങളെ എത്തിക്കാന് 11 തീവണ്ടികളാണ് പാര്ട്ടി ബുക്ക് ചെയ്തിരിക്കുന്നത്. തീവണ്ടികള്ക്കുപുറമെ പ്രവര്ത്തകരെ റാലിക്കെത്തിക്കാന് 3000 ബസ്സുകളും ഏര്പ്പാടാക്കിയിട്ടുണ്ട്റാലിയുടെ ചിത്രമെടുക്കാന് പാര്ട്ടിതന്നെ 12 പേരെ നിയോഗിച്ചിട്ടുണ്ട്. ഇവരെടുക്കുന്ന വിഡീയോയും ചിത്രങ്ങളും പാര്ട്ടിതന്നെ മാധ്യമങ്ങള്ക്ക് നല്കും. മോദിയുടെ ചിത്രം വേദിയില് പ്രദര്ശിപ്പിക്കാന് 30 അടിയുടെ സ്ക്രീനും സംഘാടകര് ഒരുക്കിയിട്ടുണ്ട്.
മോദിയുടെ പ്രധാന എതിരാളിയും ബിഹാര് മുഖ്യമന്ത്രിയുമായ നിതീഷ് കുമാറിന്റെ തട്ടകത്തില് റാലി വന്സംഭവമാക്കാനുള്ള നീക്കമാണ് പാര്ട്ടി നടത്തുന്നത്. മറ്റുറാലികളില് ചെങ്കോട്ടയുടെ ചിത്രമാണ് സ്റ്റേജിന്റെ പശ്ചാത്തലമായി ഒരുക്കിയിരുന്നതെങ്കില്, ഇക്കുറി കൂറ്റന് എല്.ഇ.ഡി. സ്ക്രീനില് മോദിയുടെ ചിത്രമാണ് വേദിയില് ശ്രദ്ധയാകര്ഷിക്കുക. മുന് ഉപമുഖ്യമന്ത്രി സുശീല്കുമാര് മോദിയാണ് ബിഹാറില് ബി.ജെ.പി. റാലിയുടെ മുഖ്യസംഘാടകന്.
No comments:
Post a Comment